【涉勒索「罰款」案】
【本報訊】休班警長涉在港鐵指控男乘客非禮，勒索一萬元以換取「放生」對方，案件昨續審。辯方質疑男事主揑造事件，因警長不可能在大街大巷公然勒索；又指警長警告事主後已放行，反而事主在調查期間激動自摑，又糾纏說「你唔搞我，我都唔會搞你」。事主否認誣告，又謂新聞不時報道警員被投訴，故「乜都有可能發生」。
事主指思緒亂任擺佈
任職地盤安全主任的X接受盤問，他澄清沒如被告張偉基（49歲）所指，在港鐵車廂非禮黑裙女。辯方反問他既然清白，為何交出一萬元？X指當時思緒混亂，任由被告擺佈，心想「是但啦，你話乜就乜啦」，他沒考慮「罰款了事」是合法抑或非法。
辯方向X指根據其口供，被告曾說「𠵱家得我可以幫到你，就係當我捉你唔到，但冇可能㗎嘛，我又有手銬又有槍」，然而X再三請求放人，「阿sir，你當咗咁多年差，一定有辦法嘅」，被告遂說：「如果我放你走，我就做咗罪犯，係咪你出錢請律師，幫我照顧屋企人吖？」X指現在忘了部份對話內容，但他否認作供時有隱瞞。
辯方指出被告目擊X注意女士的臀部，遂截停查問，X突然自摑，被告見狀說：「你唔係諗住打自己屈我打你吓話。」被告警告X後放行，但其後欲追查X的行蹤，在太子恒生銀行外等候X，辯方並指被告沒向X要錢，更沒有收錢。X不同意辯方說法。
控罪指被告去年7月13日以恫嚇方式，不當地令事主X交出一萬元，並於同日盜竊屬X的一萬元。
案件編號：DCCC1116/17
■記者歐陽聯發