【本報訊】樓價持續攀升，以市價七折推售的居屋吸引大批無殼蝸牛申請，再次掀起抽居屋熱潮。今期居屋不少申請者心儀兩個市區屋苑，包括啟德啟朗苑及長沙灣凱樂苑，主要因交通方便及有三房大單位。不過有白表單身申請者就鍾情東涌裕泰苑，除了樓價較便宜，亦因單位有露台、屋苑較寧靜所吸引。
今期4,431個新居屋單位，房委會上月底開始接受申請，首日已收到約2,700份申請表，屬復售以來反應最踴躍一次。
申請者盼增白表比例
張先生自政府2014年復售居屋以來，每次都入表申請，只希望可有一個安樂窩，但每次都希望落空。今期居屋再接再厲，一家三口再以白表家庭資格入表申請，「每次都排好後抽唔到」。他直言，本港樓價高企，無能力負擔私樓，「我哋又唔係賺得好多錢，係有儲錢，但樓價每個月都不斷上升緊，但我人工唔會每個月都上升，咁我真係追唔到（樓價）」。
他希望政府可以興建專為白表人士的資助房屋，或調高居屋白表的比例，「政府做一類資助房屋協助我哋呢啲唔高唔低嘅階層，我哋唔屬於中產，又唔符合公屋資格，希望白表比例多啲」。
林先生（圖）與家人同住大圍私樓，今次是第二次以白表單身申請居屋，「都係當六合彩咁抽」。今期居屋不少申請者心儀兩個市區屋苑，但他直言鍾情東涌裕泰苑，「東涌冇問題，有露台、交通唔算太偏僻，又靜，反而唔想抽中（啟德或長沙灣）」。
陳先生首次以白表單身申請，直言希望抽中居屋，與女友結婚組織家庭，「想擁有私人空間，住葵涌區，希望結婚有自己嘅家庭。」他稱，雖然有考慮購買私樓，但樓價太貴，「有諗過買私樓但始終唔抵」。
■記者譚靜雯