林師傑憑「木偶哥」一角為人熟識，年底跟35D索女友歐陽巧瑩結婚，前晚師傑現身牛池灣文娛中心劇院為好友麥皓兒和歌唱老師吳天偉音樂會擔任表演嘉賓，師傑說：「預計擺35圍，場地同大概日子都定咗，但都要等落實晒先通知大家。」師傑指最近申請了四張信用卡儲積分，他說：「娶呢個老婆好好，不停計積分可以換到幾多里數去度蜜月，睇睇去完馬爾代夫可唔可以再飛歐洲，因為冇咗國語台節目主持工作，收入少咗一半，要精打細算。」
親自操刀婚紗相
歐陽巧瑩早前在Ig透露想去峇里影婚紗相，還貼了一張火辣辣泳衣相，師傑透露大家工作忙，最後可能要在香港影，他笑笑口說：「好彩大家至今都冇乜爭拗，但可能會自己影番，因為我哋對住外人會比較怕羞。」
昨日，林師傑和歐陽巧瑩一齊出席無綫記者會，再次提到結婚擺酒，他們希望一切簡單自然，講到影婚紗相，歐陽巧瑩說：「影眼中嘅對方，大家眼中係最自然，想互相影大家。」歐陽巧瑩表示姊妹團已定，有朱晨麗、蔚雨芯、麥美恩及劉佩玥，她說：「有order蔚雨芯姊妹裙要性感啲，我盡量滿足晒大家。」至於兄弟團，師傑指仍然未落實。
舊愛網上晒恩愛
當年林師傑戀上歐陽巧瑩，舊愛鄧穎芝（Vangie）立即提分手，去年終於覓得愛郎，昨日Vangie在社交網貼合照放閃，慶祝男友生日兼拍拖一周年，好友唐紫睿（Hazel）留言：「一望以為係後生版周潤發！」相中Vangie攬男友送肉嘴，男友笑容燦爛，網友紛紛留言祝福，恭喜她終於找到個好男友。
攝影、採訪：馬建華
