禮拜三（11日）谷草賽事用A跑道，相距上次谷戰已兩星期，究竟形勢利放定利追？
睇番最近3月7日同一移欄賽事，亦係相距之前一次谷戰兩個禮拜，故此具參考性。當晚一至三檔合力包辦五場頭馬，其中「威震天」及「天下為攻」更一放到底，似乎養草後對具前速之中內檔馬仍然佔優。
不過要留意當晚尾三場頭馬「好吉利」、「幸運興隆」及「威信」，俱從中後位置衝上贏馬，所以亦要提防臨場形勢會逆轉。
今戰列陣馬中，第三場「指揮官」三次角逐谷草A欄賽事，獲兩冠一亞未失Q，重返強項有力回復表現。
另外，第七場「威信」上仗正是於谷草A欄尾段場次後上贏馬，等番同一移欄再跑隨時可添食。