周柏豪、關楚耀、林奕匡、吳業坤、許廷鏗、王灝兒及鄭世豪等昨日在香港仔出席「饑饉三十市集」活動，眾人各自提供一些物品在現場義賣籌款，許廷鏗賣T恤、關楚耀賣親自拍攝的相片及明信片等。
私訊問真定假
人夫柏豪及林奕匡提到好友陳柏宇宣佈太太懷孕，均表示替他高興。不過柏豪就取笑好友是快槍手，更笑言得知消息後一度懷疑孰真孰假，即時私訊問對方：「佢即答我『Yeah』，我同佢一齊大，𠵱家我榮升叔叔，今年好多朋友有喜。」當日陳柏宇出席林奕匡婚禮時，曾預言有機會最快當爸爸，柏豪懷疑對方一早知自己是黑馬。柏豪曾自稱造人有時間表，問到會否跟結婚一樣隱瞞不公開？他說：「呢個年代就難啲，忍係辛苦，但講咗唔覺舒服啲，唔想用呢啲事做自己賣點。」
至於林奕匡就覺得感觸：「因為佢哋第一次拍拖就同我打羽毛球，見證住佢哋由約會到𠵱家生小朋友，嗰時結婚已經話馬上有計劃。希望阿嫂健康，佢努力賺錢，賺多啲奶粉錢。」
林奕匡籲努力
至於和太太李靄璣的造人大計，林奕匡表示已有共識：「太太有問過係咪真係唔造住，但我哋唔急。」關楚耀則笑言得知消息感到很驚訝：「咁快手，真係好嘢，冇諗過咁快，以為佢想二人世界先，佢啱有小朋友，會係好爸爸，所有朋友佢都好照顧，而且又樂天，可以話係新一代樂壇笑彈，遇到乜事都一笑置之。」
採訪：王連連
攝影：陳俊強