蘋果Kiss Cam玩轉南看台

有不少國際event都會玩Kiss Cam，一向出名玩得癲的香港大球場7欖「十八禁南看台」，邊睇高漲激昂的比賽之餘，也有不少球迷自得其樂，蘋果也來玩一玩 Kiss Cam。

洋漢裸景

香港國際七人欖球賽進入最後一日賽事，一位喺東看台嘅球迷不甘寂寞，決定要做一次英雄。佢着住條「後欄穿窿」性感短褲，突破重重攔截，去到球場中間，再將呢塊藍色小布脫下，展視自己引以自豪嘅一面，事後呢名男子仲避開晒班保安人員，自行返回觀眾席。

高人撐場

噚日香港大球場出現兩位體壇高人！分別係籃球嘅方誠義（Ga）同劍擊的張小倫（中）！其中今季重返永倫嘅方誠義仲同老婆一齊入場。至於張小倫就已經有到場觀睇七欖多年，噚日亦有捧場，他仲同單車代表梁峻榮（右）入咗南看台！

舞入看台

今年第四次做七欖啦啦隊舞蹈員的Tasha（右二），平時只會喺球場外跳舞娛，噚日第一次入南看台，佢話第一次入到南看台，球迷真係特別熱情又火熱。Tasha第一眼就俾「香蕉男」吸引，呢班嚟自澳洲嘅男士着咗一件香蕉花紋嘅夏威夷恤，勝在夠齊整。