【馮仁昭四圍超】彭秀慧背心嚇親葉德嫻

【馮仁昭四圍超】彭秀慧背心嚇親葉德嫻

彭秀慧(左)喺灣仔演藝學院演出舞台劇《29+1》,每晚星光熠熠,前晚就有影后葉德嫻撐場。喺開場前,葉德嫻更入後台打氣,同着喱士邊小背心嘅彭秀慧合照。
不過,葉德嫻影相前竟然要求彭秀慧換完衫先影,彭秀慧話:「我換咗㗎啦!我上台就係咁㗎啦!」令葉德嫻好愕然,彭秀慧就解釋:「我個騷好簡單㗎咋。」葉德嫻神回:「咁我下次唔着衫都得啦!」
撰文:馮仁昭