咁耐冇星期五射波，今次就搵嚟早前亞盃外港足作客北韓，去了北韓撐自己人的兩位港足死忠Joseph及佐敦，同我地分享一下北韓睇波之旅。
其實現曷去北韓也是必須要跟團，要由旅行社代辦簽證等事宜。旅行團分為五日團及七日團，五日團就大約$7000港元左右，七日團就大約$10000港元左右。
這次北韓之旅的重點當然係亞盃外，不過佐敦和Joseph都被當地「球迷」嚇到。Joseph覺得當場亞盃外的北韓球迷應該是學校學生，因為當時有老師帶領打氣，加上他們本身的衣服也是一模一樣，全部都是校服，再加上道具也是一模一樣，遠看便如電腦特效一樣。
比賽之後佢地仲可以落球場踩下草地，睇完波可以去北韓踩金日成球場塊草地，真係有今生冇來世啦。
又到各位都最關心的，去北韓又是否真是要吃樹皮呢？其實Joseph同佐敦幾天在北韓都是食好嘢，仲有大同江啤酒飲，幾清涼咁話。不過北韓的大肚多春魚就真係好「伏」啦。佐敦指：「吃下去是十分難咀嚼，十分腥，吃了一條就回不了頭。」
另外他們還去了參觀北韓的足球學校，當地學生上堂都好正常咁話。
北韓到這裡就差不多了，想知我地下次請咩嘉賓記得周五晚上10時留意星期五射波了。