踏入第61次賽事，邁向季尾階段，不少舊馬季內上陣次數頻密，體力及評分出現壓力情況而影響陣上表現；相反，此時此刻正有大量質新馬做了一輪操練工夫整裝待發預備上陣，經常會出現新舊馬混合戰，但因為有些舊馬可能體力或戰鬥了有所下降，質新馬狀態不用十足已夠用。
舊馬老馬要於季尾突圍而出，主要靠見習騎師抵銷評分壓力，減輕負磅，所以過往經常提及見習生於季尾時分，是最強武器。黃俊上陣兩個賽日，已見頭馬兼捧盃開齋，上季潘明輝同期來港，最終全季有22場頭馬，看看黃俊最後有多少頭馬進帳。
尾場第十場三班1400米，堆積幾匹季內跑得少的傷患馬，狀態未必十足，看看是否能賺體力競跑。
冷門留意「恆駿寶駒」，上季締造同程最佳時間後一直未有表現，但今評分已大幅回落再用黃皓楠減五磅，條件有利，早前與多匹高分馬試閘稍追，狀態有起色作冷選。
「怪獸家長」季內於二班跑1400米賽績較強，用輸比「平湖之星」及「勇霸神駒」作指標，今場對手水平較低，前仗羅理雅發揮被受爭議，上仗又望空太遲，今次但求補中。
另一匹季內未勝馬「中華之光」，跑同程始終根據較大，1冠3亞，上仗不利後上情況下追回一席亞軍，復課觀感仍好。「翔惑」上仗早段田泰安發揮一般，人馬角力有搶口情況，結果只能均速而回，給多一次機會。