佛系當道，原來除咗玩改圖之外，仲有人真係好認真想領悟佛家道理，勢估唔到原來警隊都有佛系粉絲。睇番2017年9月嘅《警聲》，原來一批現職警隊人員，舊年6月通過《社團條例》成功註冊香港警察佛學會，仲邀請香港佛教聯合會常任董事暨香港大學佛學研究中心講師衍空法師擔任導師。佢哋個簡介提到，佛學會目標係將正信佛法介紹畀警隊同事，又話社會環境令同僚壓力日深，令佢哋更堅定地組織警察佛學會，等同事從佛法中尋求生活和解決問題嘅智慧。而佢哋嘅fb專頁都好有自己風格，八方發現嗰陣得24個likes，過去7個月嚟都只係出咗兩個post，其中一個post仲要得一句「慈山寺參學是我們的第一個活動」，唔知幫同事搵智慧之餘，佢哋會唔會幫手打擊埋假和尚，出手還佛門清靜呢？