趙佩玉選完立會新界東補選之後，就冇再聽到佢有乜嘢新動向，不過原來好快佢又會重出江湖，不過今次就同政治無關，而係做番佢老本行關注香港道德重整事業，矛頭直指呢幾日喺中環海濱舉行18+ Central成人展。八方噚日收到趙佩玉一份畀「家長、關心香港社會的朋友、主內牧者、弟兄姊妹」嘅聲明，大鬧18+ Central荼毒人心，又話香港下一代道德越來越敗壞，之後又引述幾宗青少年風化案，但又話係「主耶穌也在這星期揭示了香港很多淫亂的新聞出來」，睇到八方一頭霧水，不過其實佢只係想搵人投訴成人展，不能再沉默，不然的話，社會道德底線只會越來越低喎！