劉威煌參加09年《超級巨聲》入行，當年奪得第五名的他在樂壇成績浮浮沉沉，但愛情運不俗。甚少提感情生活的他，於14年初已經結婚，有指太太林佳琪（Sandy）是富家女，有近億物業揸手，所以外界都封劉威煌做「億萬駙馬」。
近日連登討論區有位網名叫「Ching _ _」的網友開post，標題為《真香港人的認證八成連登仔出世紙都冇呢個徽號》，貼文包括一張英殖時期香港盾徽的出世紙，附帶一句「97前=香港出世97後=支那出世」，於是被指歧視「新生港人」。有人將相片移除打薄格部份，出世紙有一個由「威雅」改名做「威煌」的名字，由於劉威煌於14年1月和Sandy在沖繩註冊，不禁令人聯想「Ching _ _」就是劉威煌。
註冊交文件
劉威煌接受《蘋果》訪問時說：「嗰張出世紙係我嘅，係當日登記註冊要交嘅文件，我諗只係有人想用嚟做example，又唔知我都算係公眾人物，咁啱得咁橋箒！」
有指被無端端被擺上枱，劉威煌坦言感到無奈，認為要好多巧合：「冇諗過可以將blur咗嘅嘢還原，總之成件事得啖笑，唔係我post上網。」劉威煌否認事情跟他有關後，不少網民都向他道歉。
採訪：唐心悠