舒淇及杜琪峯等昨日現身百老匯電影中心出席「第十二屆鮮浪潮國際短片節」開幕禮，開幕電影分別是日本導演矢崎仁司的《無伴奏》及李駿碩的《吊吊揈》，首映禮前兩位導演分別在台上作分享。
杜Sir則以鮮浪潮電影主席身份跟舒淇上台發言，他說：「好多謝舒淇今晚可以嚟到，因為都邀請咗佢好多年，今年終於成事。」舒淇在台上寄語新晉導演，要對電影有熱情及執着，才能有自己風格，她笑說：「唔好聽太多其他人意見，除咗杜Sir意見例外。」杜Sir亦認同新晉導演要有熱情及責任：「自己都冇呢份熱情，咁邊個有呢？」
聞執導耍手擰頭
之後他們在台下一同受訪，舒淇笑言是杜Sir第一次邀請出席，身旁的杜Sir解釋說：「佢好多時都撞啱有工作，今年我好好彩，如果今年嚟唔到，明年都會搵舒淇，叫佢係因為佢攞好多電影獎項，有一定成就同貢獻，希望可以透過舒淇，畀到勇氣同動力班年輕人。」舒淇謂從未有新導演找過自己演出，只是初入行時有拍過，她自言很喜歡和新導演合作：「需要有經驗人在場，演員至做得最好，新導演只要做番佢本份。我好多時拍戲都係睇劇本，唔係為錢。商業電影較少機會發揮，新電影、新對手有更多機會發揮。」被問到會否演而優則導，舒淇即耍手擰頭說：「唔好啩。」杜Sir亦笑言做演員好地地，沒必要攞苦來辛：「（導演）呢行係厭惡性行業嚟。」
休假到9月開工
舒淇之前在網上貼出自己面紅紅皮膚敏感的照片，她自言要休假到9月復工，但一直有看劇本，對於舊愛黎明將為人父，舒淇笑說：「八卦嘢唔講，真嘅唔係叫八卦咩？」被問到可會感到意外時，她大方的說：「唔會，係時候啦。自己就盡量啦，順其自然。」
採訪：卓寶花
攝影：仇志德