呢排俾北京、政府同建制派以文革式批鬥、屈到變咗做港獨分子嘅港大副教授戴耀廷，其facebook向來充斥大量五毛，噚日當戴耀廷喺fb有感而發，話按現時中共同親共集團嘅說法，只要你不擁護中國共產黨嘅統治千秋萬世，就已經係港獨分子，結果大批五毛如常留言，點知戴耀廷罕有認真回應其中一名五毛。
呢名五毛叫做「黃舒懷」，佢以簡體字寫下「亂甘（咁）解讀」4粒字，戴耀廷即時回應佢話：「你實在是我的忠實讀者，無論你是否同意我的觀點，也當感謝！對一個希望把知識在社會推廣的學者來說，最失敗的是沒有人看他的觀點，現在我的想法能惹來那麼多人的關注，包括你長期的眷顧，說一聲感謝也不為過。」戴耀廷仲要喺最後加多個「笑哈哈」Emoji，「黃舒懷」之後再回應戴耀廷：「唔使客氣，你覺得開心就得。」呢名五毛嘅帖文獲戴耀廷正式回應，相信國家定當重重有賞。