周日（8日）沙田10場賽事排咗位喇，唯一一位騎師跑足10場你估係邊個？相信大家都好易估中，就係雷神莫雷拉。不過雷神係咪贏梗騎師王彩池，看來又未必，因為以馬匹質量計，潘頓手馬似乎更佳，連場搏殺得手絕對不是夢。
今期潘頓有九匹座騎，只係少雷神一隻，其中多達7駒於上仗跑入前四名，包括力爭馬王寶座之快放馬「馬克羅斯」，更於主席錦標抽正1檔，此駒跑1600米看似略短，但過去唯一一次贏此程，正是排1檔放到，明顯地這個最內檔優勢，可以幫助牠克服路短障礙。
潘頓其他座騎方面，列陣第四場三班草地1200米之「精益求精」至今3戰全勝，3歲馬潛力深不可測，今場所有對手一係在港初出欠熱身，一係俱於上仗落第近況有疑問，「精益求精」力足4連勝。
還有「開懷大少」、「榮冠大道」、「勝得威」及「加州福星」，上仗均拼入三甲表現亦甚佳，這批當打馬今期亦可望在騎師王彩池為潘頓增添分數。
潘頓周日座騎表（近兩仗名次）：
一場 馬到成功（9←7）
三場 開懷大少（3←1）
四場 精益求精（1←1）
五場 榮冠大道（3←6）
六場 金 如 意（7←1）
七場 勝 得 威（3←2）
八場 馬克羅斯（1←10）
九場 加州福星（2←3）
十場 理想回報（4←3）