元朗南生圍近來發生連串不尋常火災，Make A Change HK 同《好想藝術》港台電視攝製隊，決定聯同地景藝術家翁志偉發起「寫一封情信給南生圍」行動，呼籲去過南生圍影過情侶照或婚紗相嘅戀人，一齊重臨舊地，身體力行利用實景創作寫一封情書，送畀大家喜愛嘅南生圍。
據Make A Change HK面書介紹，呢個活動喺本月15日（星期日）中午12點至下午6點半舉行，報名人士要二人一組，要係伴侶（戀人或夫妻），亦要帶埋以前喺南生圍拍低嘅情侶照或婚紗照，分享當日拍照時嘅感覺同參加今次行動嘅原因。呢個行動會由港台全程拍攝製作，收錄喺《好想藝術》節目時段。有興趣嘅巿民可填妥表格，成功報名後會有專人聯絡，截止日期為本月12日。