賭王千金何超蓮進軍飲食業，她用了多年時間籌備的台灣玖五牛肉麵店於下周三開業，昨日於銅鑼灣舉行傳媒試食會。變身食店老闆娘的超蓮一早到現場打點，她說：「媽咪作咗對對聯，搵書法大師寫，掛咗喺牆上，媽咪同細佬噚日都有嚟試食，媽咪就話唔好太濃味，細佬就自製特辣口味，其實遲啲會出啲秘密餐牌，會幫啲朋友製作佢哋獨有嘅口味。」
超蓮直言希望於香港、澳門開分店，並希望於內地做特許經營，她說：「希望5年後可以上市，屋企冇人做飲食，我本來喺媽咪辦公室返工，𠵱家有自己嘅慈善工作，都想喺附近搵一個工作室，每日可以巡舖。」提到孖生弟弟猷啟的婚禮，超蓮表示未定日子，有需要必定幫忙。
採訪：羅慧敏
攝影：陳俊強