14個月大已確診大腦麻痹，半生癱瘓，22歲潘曉晴注定有不一樣的人生。出身基層家庭，4年前憑優異成績獲尤德爵士獎學金，隻身負笈紐約讀大學攻讀比較文學，上月憑充滿成長影子的英文劇本在紐約贏得劇作家資助計劃，有機會將故事搬上舞台。3年來一直靠向親戚借貸支持女兒圓夢的潘媽媽說：「女兒的夢想，就是我的夢想」。
曉晴是早產嬰，出世時體重只有兩磅半，住了兩個半月醫院。「佢細個講嘢好叻，唔覺有問題，係到一歲仍坐唔穩，先確診係大腦麻痹」。5歲那年情況每下愈況，東歪西倒坐不穩，曉晴接受長達13小時的脊椎神經切除手術，在大口環兒童醫院留醫半年，遏止了神經線不斷收縮，卻要終身與輪椅為伴。
母︰個女畀好多驚喜我
但上天奪走了曉晴的活動能力，卻給回她聰明頭腦。潘媽媽說女兒仍是小學生時，想法已與別不同。「佢幼稚園同小學都讀特殊學校，中學轉讀主流學校，其實都係佢自己要求，話遲早都要面對個世界，不如早啲面對」。不稀罕留在保護區，曉晴是中華傳道會李賢堯紀念中學首個輪椅學生。「佢細個學嘢已經好快，中一第一個學期就考全級第一，唔單止我，學校都嚇咗一跳」。
「由細到大，個女係畀好多驚喜我」。是驚喜也是驚嚇，包括離家千里，獨自留學美國。「佢知家庭環境唔許可，就自己申請獎學金，去外國讀書要考好多試，我哋唔識，都係佢自己報名自己溫書，我負責陪佢去試場」。家住葵芳邨，爸爸做維修，自女兒出事，潘媽媽辭去製衣工作全力照顧。三口之家，生活不是捉襟見肘，也肯定非富裕。「講行路佢唔得，但諗嘢我就跟唔上」，潘媽媽苦笑。
中六DSE，中英文也考獲5**佳績的曉晴，獲港大文學院取錄，同時獲批尤德殘疾學生海外獎學金，豁免三年學費。留學美國、走進百老匯殿堂的夢想接近了，但去，還是不去？「由細到大都擔心佢個病，做阿媽，點會放心佢走吖」。曾對女兒遠行大力反對，直至陪女兒出席頒獎禮，審批獎學金的評判告訴她女兒的心事，潘媽媽才軟化，只因不想女兒的人生留下遺憾。
以GPA爆四的佳績畢業，成為榮譽致辭生；在麻省最頂尖的劇場爭取實習機會，自薦英文劇本，在Rising Circle Theater Collective INKtank program中獲接納公演。「呢幾年係好困難，獎學金資助大半學費，每年生活費仍要近廿萬，我做維修，一年嘅收入都冇呢個數」，潘爸爸說。問親戚借錢支持女兒圓夢，只是生活不是童話，女兒若未取得工作簽證，劇本縱贏得資助獲公演，也得面對去留。「盡咗力，承擔結果就好」，撐着一個家、撐着妻女的潘爸爸說。
■記者呂麗嬋