育有一子嘅藍絲「女神」李偲嫣，去年底喺facebook公佈今年初夏再婚，與同樣曾離婚嘅香港專業進修學校國際教育部副總監、人稱「鋮浚哥」嘅謝鋮浚搵到人生第二春。淡出政圈多時的佢，近日再成為網民焦點，因為「倒奶」婚紗照喺網上瘋傳，毫不吝嗇大騷「事業線」，引得網民直呼「好想瘋狂吸私煙，正X到你」。偲嫣接受傳媒訪問時形容呢次婚攝係一生中最性感嘅底線，自爆雙𥧌「極速升級」秘訣係戴nude bra。
李偲嫣近日喺fb上載婚帖，話婚禮日期定於下月5日，帖上仲寫有聖經字句「我們愛，因為神先愛我們」，佢同鋮浚哥會步入教堂，以西方基督教形式結婚，仲預告當日行程，特別提及來賓可任飲飲品同獲得「偲嫣感恩小禮物」。
網民：同真人差咁遠
而佢嘅台灣婚紗照則被網民分享到各社交平台，有人大讚攝影同修圖功力深厚，「呢個攝影師真係技術高招，同真人差咁遠」，有網民激讚初試性感嘅偲嫣身材好，「就跌出嚟咁」、「好正」、「幾靚喎」，當然都有人戥婚攝團隊辛苦，形容呢次執相係高難度動作。
識睇睇留言
Tai Tai：真男人，夠勇氣，香港好彩有你，佩服！
Kerry Kinfai Lai：結咗婚就修心養性唔好再出嚟搞搞震喇唔該。
Frank Li：點解叫謝x俊啲人都咁重口味？大媽都殺？
湯小蘭：傷盡好多藍絲阿伯，維園阿伯的心！
Carol Wah：偲嫣真人同張相個樣加身材差距好遠
Ginger Keung：世上好多奇怪事發生，不過重點係唔好P到阿媽都唔認得，救命！
資料來源：《蘋果》網站
李八方