杜汶澤揀女向來有眼光，個個都發育好豐盛，先有「Double May」楊浩兒，當日着住小背心，膽粗粗去面試做阿澤網台文職，不過遲嚟先上岸，呢排頻頻孖住阿澤訪問嘅23歲索女貝依霖，因為轉數反應都快，成為阿澤新寵，宅男都like爆佢。
阿澤為《杜汶澤喱騷》挑選出嚟嘅「騷girl」貝依霖，年僅23歲，擁有32C上圍，一着低胸裝就有倒瀉奶視覺享受。根據資料顯示，貝依霖前藝名貝兒，報稱電影女演員同模特兒，仲係鋼管舞dancer，曾拍電影《Delete愛人》。14年爆出彭順出軌偷嗒o靚模李悅彤（Liddy）時，花弗彭順當時被起底。貝依霖竟然係榜上有名，佢被發現彭順關注佢微博，去年貝依霖有參演電影《初戀日記：賤男蜜擾》，知名度唔高，一直彈唔出。直至做咗阿澤嘅「騷girl」，再加上佢喺社交網喪po性感相，吸盡宅男目光，火速人氣急升。
貝依霖見阿澤求女，佢去應徵時博到盡，出「股惑」大跳鋼管舞被揀中，貝依霖喺Instagram嘅爆乳相，足以結集成一本寫真集，佢有半裸碌床，有腿張開，亦有大量對鏡自拍，請食波餅，包保睇到嘩嘩聲。