警察哥哥、黃絲妹妹和記者爸爸同處一室，衝突是否必然發生？如果哥哥和妹妹角色倒轉，爸爸走到前線報道兩人衝突時，結果又會如何？這是電視台編導伍立德（Luther）不惜按樓自資拍片，希望探討的深層問題。
香港土生土長的Luther於澳洲皇家墨爾本理工大學傳理系及港大社工系畢業後，1998年起在傳媒機構任記者及編導，專責紀錄片及專題報道，2016年9月為製作電影《對倒》而辭職，拍攝完畢後重返崗位。曾發生佔領運動的旺角彌敦道旁有不少樓上Cafe，Luther憶述最初就是與朋友在受訪的Cafe，構思拍攝一齣男記者追求女警的愛情故事，及後與近80位不同背景港人交談後，發現香港不少家庭結構複雜，編劇團隊搜集資料時更發現，一位本土派學生領袖的父親是記者，兄長則是警員，「我哋就想像，佢哋三個人返屋企一齊食飯時會係點？」最後有了電影故事的雛形。
Luther不諱言戲中不少內容都是受訪者提及的真實情節，「有人話爸爸做警察，食飯時冇嘢講；有啲人一句說話都避談，有時就有好多爭執同衝突，呢啲爭執同衝突，係咪我哋樂見嘅呢？呢個係我哋套戲想大家睇到嘅嘢」。雖然電影談及傘運和旺角騷亂，但Luther指電影探討的主題是家庭，希望拍出「非黃絲、非藍絲」都想看的電影，「因為同戲中一樣，每個家庭都可能有示威者、警察同學生，好少真係咁單一」。
電影其中一句宣傳是：「對倒，你倒唔倒得返轉頭？」Luther強調戲中雖然安排藍絲和黃絲角色互換，但絕非「各打50大板」，而是希望觀眾觀看後自行判斷，「我哋覺得有啲嘢，自己清楚自己做緊乜、邊啲嘢叫做啱？邊啲嘢叫做唔啱？我相信每個人都有自己好清楚嘅價值觀」。
盼記錄香港重要一刻
任職傳媒多年的Luther亦於劇中反映不少前線記者工作苦況，稱團隊為電影進行訪問時，不少記者都反映擔心採訪時遇襲受傷，戲中其中一幕正是旺角騷亂中幾名記者冒生命危險，在已倒地的警員前擋住示威者的雜物和摺椅，叫其他警員將倒地警員扶走，事後卻被網民聲討，令他反思「點解幫人救人會俾人鬧？」
當年不惜按樓自資拍片，他指只想在傘運和旺角騷亂等大型衝突後為香港記錄重要一刻，「我哋係想記錄番嗰個時代、大家嗰個情懷同嗰一刻，因為2016年，好多人覺得好迷惘、唔知點算」，坦言金錢上或得不到回報，但可以和港人一起反思社會撕裂、迷惘等問題，「我覺得係好值得」。
■記者林俊謙