跟車太貼易生意外，本來係老生常談，但人類總要重複犯錯。一名單車男日前喺港島石澳道一段雙線雙程嘅馬路行駛時，懷疑跟車太貼，撞上前方嘅保時捷私家車後，飛彈至對面線，橫卧路上，好在佢企起身後8秒先有紅色小巴駛至，否則可能已被小巴輾斃。網民都認同單車男好幸運，真係差一啲就冇咗條命呀。