高伯新馬房今季成績確實令人驚喜，現時為止已取得22場頭馬，雖然在排名榜只屬中游分子，但其養馬量不算多，有此成績已比預期中為佳。
嚟緊周一（4月2日）沙田日賽，高伯新參戰馬中唔少具備爭勝實力，今朝（31日）這個倉口大舉練兵，當中「快利」、「智者」、「勇霸神駒」及「協勝神駒」4匹戰馬在大跑道單跳，廐主一早露面在烽火台督操，並全程跟出跟入，特別緊張，睇嚟此路人馬今期賽事必有所圖。
其中第七場二班1400米之「勇霸神駒」，高伯新肯定對牠寄望甚高，事關此駒已跨季9戰取得3冠2亞1季1殿2第五名，全有獎金收，特別忠心，上仗拼入Ｑ而不勝，全因對手太強，蓋頭馬是其後勝出香港打吡的「平海福星」，「勇霸神駒」可謂雖敗不辱，今次對手再無「平海福星」，李寶利養傷，韋達接手「勇霸神駒」無端端執到寶，唔搏勢係假，相信坐位望贏不成問題。