葉小姐：
「細個成日聽佢個名，到我大咗先發現佢做戲都幾touching，佢離開咗15年，我覺得幾可惜，每次睇番佢啲戲，好想佢有新作品，但當冇咗，心入面就覺得好可惜。」
Anthony：
「《金枝玉葉》啱啱先重播完，佢正到痹，全部歌都有聽，我係佢fans，會追住佢啲碟買。佢好似Beatles咁，冇人可以取代。」
Mark：
「好鍾意哥哥嘅歌，我欣賞佢唔會因為人哋嘅眼光，而去放低自己要求同妥協，喺𠵱家呢個年代已經好少呢啲人，希望呢個年代嘅年輕人可以好似張國榮一樣，做一啲自己鍾意做嘅嘢。」
陳先生：
「佢過身當日係愚人節，我都以為係玩，係好可惜，其實佢都有好多挫折，又好似話有病，可能係藝術家，對愛係好執着，所以導致佢咁樣。」
朱小姐：
「我係後榮迷，佢無論電影同歌曲都好有心去做。我喺八幾年喺金鐘一間酒店咖啡室迎面見過佢，但我當時又冇話想合照，𠵱家諗番好後悔。」
Ellie：
「大約7歲聽爸爸播《風繼續吹》，到兩年前睇《家有囍事》加長修復版，開始對哥哥有深入認識，起初被佢外表吸引，再睇佢嘅戲，令我對流行音樂同電影感興趣。」
