沙田彭福公園噚日成地復活蛋，好有節日氣氛，原來係香港賽馬會舉行嘅「同心同步同樂日」環節之一，小朋友可以應節地掘復活蛋。
千人為馬仔塗色破紀錄
綜合沙田馬場同彭福公園兩地點，噚日就吸引咗逾15,000名市民參加。
香港賽馬會噚日起一連三日舉行嘅同樂日，提供70幾項寓教育於娛樂嘅活動及遊戲與市民同樂，希望連結社區，宣揚「我做得到」嘅正能量。
同樂日重點活動係挑戰健力士世界紀錄，馬會邀請約千名參加者，喺香港著名藝術家及兒童繪本作者鄧子健帶領下，成功挑戰「最多人同時為雕像塗色」嘅健力士世界紀錄，接近千名參加者親手完成咗951隻小型馬匹雕塑，獲健力士世界紀錄評審員即場確認。