本港唯一客串騎師沈拿為咗向馬會成功續牌至季尾，近排成績真係有目共睹，唔單止喺短短兩個月內已贏九場賽事，剛戰（28日）更憑「大雄圖」捧走跑馬地銀瓶，續牌機會估計樂觀。
即使一個興奮嘅夜晚過去，沈拿今朝早（29日）都冇揸流攤瞓晏啲，一早到場先後為四匹下周一（4月2日）座騎操練，其中一匹正係角逐頭場五班1200米的「實在威」。
操馬之前，佢仲拉埋羅理雅，同呢朝勁積極嘅姚本輝開咗個大會，內容肯定係講定匹馬點操最好。
「實在威」上仗休後三個月，增程1400米大失所望，今次回到1200米出戰，正係前仗入Q嘅路程，加埋呢朝嘅舉動，想贏嘅味道好濃。