言論出位嘅民建聯大狀馬恩國用咗3年時間，用英文撰寫「香港《基本法》：法律原則和政治爭議」一書，噚日佢同傳媒聚會派發呢本書嘅中文撮要，序言寫明出書目的，「打破建制派沒有威權英文基本法參考書的局面」，又指現時英文編著《基本法》考書，「絕大多數都由泛民主派背景學者編撰」喎。馬大狀又話本新書印咗500本，由基本法委員會委員譚惠珠幫手寫序，佢送咗百幾本畀朋友，現時巿面上流通有得賣嘅，每本盛惠1,500元。馬大狀質疑，法官好多判決講到尾都係政治取捨，希望法官睇完新書，日後啲判決唔會引起社會不穩喎。