立法會主席梁君彥下月23日邀請咗中聯辦主任王志民到立法會出席午宴，呢次係王志民揸莊西環後，首度到訪立法會，梁君彥都希望全體議員出席，但一眾激進泛民日前預告過唔會出席。
啱啱循補選重返議會嘅新民主同盟范國威透露，同新同盟執委商討後，決定會出席王志民呢場立法會午宴，仲對呢位貴賓好有心，預告會「送禮」。乜大和解嘅旋風，吹到本土派？咖喱范解釋，屆時或送贈嘅水墨畫或字畫，會表達不滿王志民過去言論、中聯辦干預香港、以及違反鄧小平一國兩制的莊嚴承諾。香港本土毛孟靜都話考慮參與。
查實咖喱范喺梁振英在任特首並出席立法會午宴時，亦曾送上《愚公移山》嘅畫作，當時689拒絕接受，好期望王志民呢次收下佢嘅畫作，並作回應。