近日澳洲有匹兩歲馬女，成為一眾傳媒焦點，事關呢匹名為Royal Warden嘅馬，雖然天生少咗一隻耳仔，但亦可成為一匹平地競賽馬。
練馬師Stephen Brown說：「她一出世就已經是這樣，並不是我們將耳仔剪下。」
可能有馬迷會問，冇咗隻耳仔，對於Royal Warden嘅戰鬥力有冇影響，而跑步主要係用對腳，即使耳朵有缺憾都好，只要平衡方面冇問題，都唔會影響天生嘅速度。
Brown再說：「雖則她有些特別，但她完全不知道自己有甚麼缺陷。但有些騎師來到這裡，並表示想在賽事上騎這匹單耳馬。」
點解每位騎師都要去爭，邊到都成為焦點嘅Royal Warden嘅帥權，因為贏出就有迴響，有迴響就會有知名度，有知名度自然就相繼有好馬騎，絕對係一條成名嘅康莊大道。