老馬有火就聽得多，咁黑馬有火又會點？
所講係導演王晶，早幾日出席香港國際影視展，參與「網路發行價值再生，港片IP的破局重組」論壇發表講話。佢認為港片有智慧財產權，但網路影片未取授權與付費下使用，今昔自己作品免費任睇，屬於盜竊行為。
呢頭怒轟完呢種商業模式可恥，王晶嗰頭跟手掟咪走人，其實家陣網絡世界尤其大陸侵權已到咗失控嘅地步，唔嬲得咁多之同時，王晶不如今晚（28日）谷戰專心睇吓自己名下愛駒「黑馬王子」喺第7場三班1200米在港初出點跑好過，佢用自己套戲名做馬名，隻馬母系家族成員包括1978年葉森打吡盟主，及後成為成功種馬的「莎莉高原」，而「黑馬王子」操練多時，試過多次大閘才應戰，且看能否一鳴驚人。