隔牆有片：
「你個嘢壞咗呀」 　
龍蝦姐X老翻阿倫　合唱有聲po - 李八方

2014年底一次冬日美食節，一位熱衷玩遊戲夾龍蝦嘅女士憑住一句「你個嘢壞咗呀」紅遍網絡，網民淨係見到呢幾隻字，個腦都不自覺浮咗把聲出嚟。原本以為龍蝦姐從此絕迹江湖，誰不知舊年暑假嘅美食博覽，龍蝦姐忽然驚喜現身排足3日2夜通宵，再次出戰拋福袋大賽，又捧走人哋18個鮑魚福袋。

為咗歌頌呢位識飲識食又識玩嘅老友記，高登仔發功重新填詞，將「你個嘢壞咗呀」呢句洗腦台詞，完美嵌入譚校長名曲《霧之戀》，配上《蘋果動新聞》當年直擊片段，成功令龍蝦姐同疑似譚校長合唱一曲，令個post變咗「真‧有聲」。有幾好笑？唔直接答你，用條片嚟答你就得，去片！有云江山代有才人出，唔知今年美食博覽，龍蝦姐有冇接班人？