一向係單車發燒友嘅新鴻基執董郭基煇（圖，Adam），最近贊助咗中國洲際單車隊Mitchelton-BikeExchange，出錢仲出力，又帶車手到飛鵝山踩車。
喺山腰出發時，Adam同車手打賭，話要鬥快踩到山頂，但要人哋讓佢早5分鐘出發，聲言車手若唔能夠快過佢到終點，就要退隊！結果約20分鐘，Adam終點在望，但10名車手竟一支箭從後超越佢衝線，Adam自稱「踩到牙血都出晒」但都鬥唔贏，笑住質疑車手「夾埋喺終點前過我！」
Adam話好希望呢支車隊成績越來越好，未來亦可以有香港車手加盟，希望自己嘅支持能夠幫助中國及香港單車人才發展。新地冠名贊助嘅香港國際場地盃則喺本周六開幕，Adam話到時一定現身支持港隊！