近日有網民上載影片，見到地盤工人用網撈起多條鮮魚，再擺喺挖土機嘅挖斗上面運走，原來係啟德明渠工程嘅工人喺渠裏面撈魚，片段惹來網民討論，有人擔心「魚穫」會流出供人食用。
渠務署署長唐嘉鴻（圖）親身解畫，原來誤會一場。原來明渠有魚好正常，渠工做工程，首先要抽乾水，所以一般都會撈起啲魚，之後放番去河道下游或者有水地方，估計今次由於魚量太多，工人先至用挖斗運魚。
咁明渠嘅魚食唔食得？署長就話自己唔係魚類專家，唔太清楚，但平時都有人嚟釣魚㗎，仲介紹啟德河𠵱家有7種魚，希望工程完晒後生態環境改善，大家會見到更多魚啦。