【閃耀人生女人心 謝玲玲系列之6重拾畫筆】
謝玲玲於去年8月舉行首個畫展，日前她接受本報連載專訪表示，20年前因興趣跟當代國畫大師黃君壁習畫：「佢個女介紹咗我畀佢爹哋，當時台灣、香港兩面住，就學咗國畫。之後，生咗最後一胎，又返咗工，老師過咗身就停咗。」10年謝玲玲重拾畫筆，將畫作送給朋友和家人，其後朋友提議捐畫作慈善拍賣，發覺可以用興趣幫人。
謝玲玲的畫風帶有印象派色彩，以大自然風景為題材：「𠵱家好鍾意油畫，鍾意好彩色，以前國畫黑白，𠵱家覺得人生好開心好彩色，比較鍾意畫風景，心境和諧同隨意啲，植物、杯、水果嗰類比較拘束，我鍾意自然、開放啲。」
採訪：梁錦雯
攝影：林德雄
場地提供：Beefbar