傳聞騎師韋達下季轉向幕後發展，此位13屆冠軍成績每況愈下，棄騎從練嘅方向應該是明智之舉。雖然如此，但見有部分馬主對其甚支持，如今朝（26日）晨課由他出試的葉楚航馬房「狀元才」，及大摩馬房「駿皇綵」，過往在其胯下均曾爭得好成績。
講到周三（28日）谷中夜賽，韋達以上兩匹座騎，出試期間甚具睇頭，今早約7點左右，第7場「狀元才」在大跑道考驗800米，課罷後，見練馬師甫即撲入隧道接馬，並跟隨人馬步返沙圈，之後，又捉住十三少（韋達）再傾，似乎有料到。
而大摩馬房的第4場「駿皇綵」，則由韋達策騎往千八米草地起步點彈閘，單騎考驗800米，練馬師大摩踩單車陪伴左右外，仲返沙圈守候人馬歸來，動態緊張。