今時今日，當大家連Email都唔多會Check，到底仲有咩人會寫信？
今次林一峰客串主持音樂信箱，就話比大家聽，梗係大單嘢先要寫信！
事關佢收到一封讀者來信點唱，同時叫佢幫手
代‧求‧婚！
呢位讀者都算醒目，有一峰靚聲冧歌助陣，基本上已經成功一半，但係隔咁多重去求婚，人哋女仔又會唔會覺得好冇誠意？
一峰就表示，
「咁大個仔，都未做過啲咁嘅事，被人拒絕都唔知點交代！」
另一位讀者又係人生的決擇，做Busker嘅佢被女朋友下令發少啲夢，腳踏實地搵番份工。
身為音樂人嘅一峰立即抱不平：
「梗係繼續做！有咩理由被女朋友決定你嘅人生！」
喂喂一峰，你咁講，我真係有啲擔心，因住全港女性立即嬲嬲豬！
