美職（MLS）洛杉磯銀河日前確認最新簽入嘅大牌球星係啱啱同曼聯解約嘅伊巴謙莫域，據西班牙《馬卡報》報道，伊巴轉投銀河年薪僅120萬歐元（約1,163萬港元），同佢喺曼聯嘅2,180萬歐元相比，減薪達95%。據《SI》披露道，因MLS嘅薪酬限制關係，球隊薪酬唔可以超過320萬歐元，而由於銀河已用盡特許球員嘅四個名額，所以最多只可向伊巴提供年薪120萬歐元嘅合約。另外，伊巴喺訪問話︰「我踢巴黎聖日耳門（PSG）時同碧咸相識，碧咸講好多有關銀河同在美國嘅經歷，佢好似話『你應該要過嚟，試吓喺嗰度比賽。』」