現年40歲的有線前主播劉家聰，1月18日突然在Ig留言：「嚟到今日，日子已不多，我信我，正能量會戰勝一切。」原來劉家聰發現腦有一個6厘米的大瘤，壓住左手左腳神經線，要立即開腦，在1月22日入院，接受一個長達七小時開腦手術，手術非常成功，農曆新年出院返家跟妻女團聚，經過一個多月休息，康復進度理想，現在每周仍要覆診，要吃半年藥，但身體狀況良好。
為健康辭職
前日劉家聰接受本報電話訪問，他形容今次是重生：「人好渺小，身體少少病都會影響好大，今日我可以好番，令我可以重新認識自己，即使幾熱愛工作，工作都要放輕鬆。」他透露自己幾乎每日都會跑步，但在半年前，做娛樂新聞採訪時，發現很容易疲累：「我上山跑會失平衡，以為工作太攰所致，因為喺有線工作期間，工作壓力好大，有時會唔夠瞓，為咗健康，我辭咗職。」
劉家聰離職有線後，回巢亞視，不過未返新工即要接受手術，佢大讚亞視有人情味：「我簽部頭約，本來4月有工作，佢知我情況畀我順延。」有報道指他患病時要太太擔起頭家，劉家聰說：「真係好感激太太精神支持，至於經濟上，一家人無分你我，我一直都有好好理財觀念。」
採訪：陳杰