趣趣地:噴射機大敗季後賽未得住

趣趣地:噴射機大敗季後賽未得住

周五澳職獨腳戲,阿德萊德聯(左)喺下半場踼多一人嘅情況下,主場大勝紐卡素噴射機5:2,後者要鎖定聯賽第二位直接晉身季後賽四強仲要等一等。賽前聯賽排第二位嘅噴射機今場只要攞到一分,就可以鎖定季後賽四強嘅資格。不過主隊嘅德國中場艾隆上半場連入兩球,已經將噴射機團火淋熄。換邊後噴射機憑簡達路夫斯基追成1:2,不過阿聯之後喺三分鐘內有賴恩基圖同阿比沙路臣各入一球,再將比數拋離至4:1。噴射機中場積臣荷夫曼喺78分鐘兩黃一紅被逐,不過無阻兩軍繼續上演入球騷,卡禾斯域喺79分鐘為阿聯射成5:1;而噴射機喺89分鐘就靠簡達路夫斯基再入一球射成2:5,算執番個尾彩。