F1冇得睇賽車女郎好失望？其實又唔使咁執著，對上周日已經開鑼嘅MotoGP，班WAGs仲靚過賽車女郎喇，當中意大利車神羅斯女友Francesca Sofia Novello，最具睇頭。
羅斯曾經話自己冇諗過結婚，仲話呢世都想做鑽石王老五，但外界話Francesca嘅出現，已經俘虜咗羅斯嘅心，因為對方真係太靚女，身材又火辣，只要睇吓佢ig啲比堅尼相，真係流晒鼻血。
另外，同為意大利籍的杜維施奧素，佢另一半Alessandra Rossi亦甜美動人，但澳洲車手安東尼韋斯特就話Alessandra係佢前女友，仲要同對方散咗兩周，佢就即刻同杜維施奧素一齊。
另一意大利車手艾恩諾尼老婆Belen Rodriguez，以及西班牙車手艾斯柏加路妻子Laura Montero，亦同樣有咁上下身材，總之呢班MotoGP WAGs，真係睇到大家眼定定。