311後各種「敗選死因庭」展開，積極驗屍，對姚松炎敗走西九進行多方位「聆訊」，得出勁多馬後炮專家肺腑之言。這些「後事論述」，將會在西九另一席的補選中，慳水慳力套落去，結論如下：
a，劉小麗出選，等同周庭翻版。誰做劉小麗的區諾軒，攔路的都會是一個永續的老馮。問世間，叫中女如何降格扮大媽like伯父，注定續失輪椅老人票。
b，用朱凱迪單車遊街、環保紙皮拉票，再來一次，黃埔美孚又一村選民受落，但極buy福袋的大坑西石硤尾一票都唔會俾！對公平法治核心價值猶如花崗岩冇feel的選區，是存在的。泛民的雞蛋候選人全力對抗親帝派高牆，無暇親身落區服務，即係睇唔起基層囉，咁驕，再輸一鑊，自不待言。
c，講咗N次，公屋無樁腳。無論補選多N次，西九都贏唔返。除非哩，阿爺搵西九方國珊出馬！
d，補選未必循環再用無乜剩餘價值的老馮，改派更具殺傷性的毓民出來搞串泛民局。仲唔死？聽分屍！