曾為人氣動畫《妖怪手錶》唱出片尾曲《妖怪體操第一》嘅人氣組合Dream5，自年前解散後成員已各自發展，當中以年僅18歲嘅大原優乃最胸懷大志，仲以性感姿態發展殺出血路，本月初佢推出到夏威夷及北海道取景嘅首本寫真集，新書上架後反而熱烈，早前已成功登上Amazon預售榜冠軍，推出一個星期後已決定加印1萬本。大原優乃係Dream5隊中最細年紀成員，年紀細細卻身材驕人，擁有F Cup巨乳嘅佢單飛後即吃香水着界，還有望成為2018年新一代性感女神。
大原優乃在水着界彈起，昨日出版雜誌《FLASH Diamond》就起用佢同SUPER☆GiRLS成員淺川梨奈成為今期雙封面，望靠兩位肉感偶像刺激銷量。
Dream5唱出嘅《妖怪手錶》歌曲包括《妖怪體操第一》、《Dan Dan Dubi·Zuba》、《妖怪體操第二》都深受小朋友歡迎，組合更曾殺入2014年底嘅《紅白歌唱大賽》。