【女神拍拖了】中國女排前隊長，有「可愛教主」之稱嘅惠若琪前排就正式宣佈退役，轉為搞自己嘅女排發展基金，投入喺公益事務上面。就喺噚日，琪妹出席完基金一個活動後，主動同傳媒講「我戀愛了！」，相信令唔少男粉絲為之心碎。
琪妹今日就同記者講，同男友係喺朋友聚會上面認識嘅，據了解係一名醫生，琪妹話佢係個高材生，乜嘢都識咁話喎。另一樣相信大家好好奇嘅事，究竟身高1米92嘅琪妹，佢嘅男朋友有幾高呢？琪妹就話根據佢返屋企量度過後，男友高1米86，啱啱好meet到佢擇偶嘅最低要求。最後琪妹就希望大家唔好太過注意佢嘅戀情，畢竟男友唔係名人，唔想佢有太大壓力咁話。唉，我只能夠代表一眾男粉絲送上祝福喇喊出嚟！