今日飲食界最爆的事莫過於時新重開。紅磡半世紀小店時新快餐去年結業後，兄弟爭產風波引起了不少人關注，成為一時話題。由家中二哥鍾奇濤（下稱二哥）主理的時新漢堡飽，就率先在黃埔重開。
雖然餐廳facebook專頁指四時才正式試業，但距離開店還有一小時多，門外已見幾十人人龍，店家亦提前試業。新店坐得明顯比舊店舒服，食物大部份亦與舊舖相同，但就因為租金而加價不少。以招牌雙層漢堡芝士蛋包為例，舊店賣24元，但新店則賣貴6元，索價30元，加價25%。
雖然如此，漢堡包同樣好食，即叫即製，漢堡扒充滿肉汁，加上時新招牌秘製沙津醬，令人食指大動。記者另一推介為魚扒包，同樣即叫即炸，魚柳食落脆口不油膩。新店加入了小量新食物，如兒童餐、秘製紅燒肉碟頭飯等，質素不俗。當然，都是漢堡包較為出色。
時新快餐店在1960年代成立，是全港首間引入漢堡包的食店，當時名為「雜港包」，當初所採用的漢堡扒以牛肉、豬肉和雞肉攪拌配製，以手打牛肉漢堡聞名
時新漢堡飽
紅磡德康街398-402號黃埔新天地家居庭地下G22-G23號舖
記者、攝影：張欣頤
全新旅遊專頁，即like籽想旅行： https://fb.com/travel.appleseed