陳柏宇入行超過十年，被網民封為「樂壇隱世高手」 ，2017年終為豐收年，橫掃多個音樂頒獎禮，去年12月首踏紅館開個唱，更與拍拖多年的女友結婚，事業、愛情兩得意，陳柏宇：「2017年我滿意，2016年、 2015年 、2014年一路數過去我都滿意，係心態上嘅得着。」
撰文：陳蔚渝
攝影：周樂恒
造型：Queenie Yu
化妝：Jessica Chan
髮型：Alex So of the Attic
服裝提供：I.T
論一個歌手的高與低，觀眾或多或少都會將焦點放於獎項，陳柏宇卻認為「唔係音樂成績唔好，就學唔到嘢，我嘅focus永遠都係放喺心態，咁樣會健康一啲。2017年我滿意，2016年、 2015年 、2014年一路數過去我都滿意，心態上嘅得着，一啲無形嘅反而更實在，因為呢啲永遠都係屬於自己。」
高看目標
言談間，明顯感受到陳柏宇不是看重名利得失的人 ，「曾經想過放棄，係因為喺唱歌方面搵唔到進步，因為唱歌係我最鍾意呢份工嘅其中一個原因，但最後發覺原來係聲帶出現問題，所以我嘅低潮並唔係大家諗咁樣，個人嚟講，我冇乜嘢高低潮。」陳柏宇揚言最叻的，是如何令自己不會不開心，所以訂下目標時也很有自己一套，「如果我將目標訂得幾低，都達唔到，我就訂到無限高，如果係可以達到，就訂到一個能夠達到嘅位置，咁樣我就可以蓋過所有範圍，對自己嘅信心、成功感，其實係嚟自你可唔可以達到自我目標，當然有時都會諗，目標訂太低，係咪太『雞』？所以我會訂到無限高，呢一刻未達到都係好正常。」
誓當爸爸
去年升呢人夫，問到今年的計劃，陳柏宇毫不猶豫、一秒說出是「生育大計」，「生小朋友嘅話，我想組織一個四人家庭。」拍照期間，陳柏宇猶如大細路，訪問時更發揮他的搞笑本色令全場哈哈大笑，再問到將來想成為一個怎樣的爸爸時，他說：「我希望係一個寬容爸爸，我同老婆有一點唔似，佢好細膽，我比較輕鬆，唔怕嘗試，怕做錯，對小朋友我都希望抱相同態度，佢想做儘管做，即使見到有挫折，都可以畀佢經歷，因為係成長過程。」
醒目人夫
訪問前陳柏宇大呻要一大清早當柴可夫送老婆到機場，但在場人士聽到當然是甜到漏，婚前婚後都愛在Ig無限放閃，陳柏宇分享相處之道，「我哋之間唔需要乜嘢surprise，維繫感情要訣，喺情人同朋友面前，係一樣性格，咁樣最健康。我哋嘅相處方式好舒服，唔使特別搵嘢搞，需要計劃太多，就算喺同一間房，各自做唔同嘅事，唔使交談都感到好舒服、自然，咁樣喺最健康。」與老婆合作搞小生意，為免意見不合，影響大家感情，陳柏宇樂於當助手角色，「當然我唔覺得係犧牲 ，其實都係『醒扒』，憑經驗避重就輕係好事。一個lead，一個follow，先可以開心工作。」雖然工作上是follower，不過他表明平日生活自己才是leader，笑說這樣才夠公平。
紋身傳記
陳柏宇早前應邀擔任I.T希慎旗艦店Tattoo Atelier紋身限定店的開幕嘉賓，受訪時分享了對紋身的看法，「係當下思維嘅一種記錄，最終代表紋身時對事情嘅諗法，可能十年、二十年後會有唔同諗法，就成為一個代表性。」
更多精采時尚內容，盡在 http://add.appledaily.com。