還有兩場地區補選，叫人投票似乎勁難，倒過來叫人別投票，反而實際。下述人士，唔該慳番你一票！（廣東話）或者：死開！收皮！（人話）。
講好多次「唔明點解要公眾諮詢」的人，以為將公眾諮詢降為「標籤」就呃到人，你那一票用來封自己把口種菌就好，無謂沾污福袋，喔即是你眼中的票箱。
唔怕聽眾翻白眼亢奮擦鞋「點一億個讚給習主席都未夠」的人，以為全人類跟她一樣神經創傷兼無heart，你那一票跟廢票無異。用你一票點着大紅燈籠將自己高高掛，獻世，唔好賴上帝。
提出吵吵鬧鬧必須終結的人，一條腿已經踩入棺材，與其蹣跚行去票站，請移玉步，唔使買貴票坐高鐵，一樣直達和合石。入土為安，必然靜音。
鬧政府唔去填海，鬧「班廢物」研究在粉嶺高球場發展建屋那種闊佬，記得響應國師，將票射落海！射票落海與屙尿落海闊佬就算老人癡呆都能辦得到。屙完未着返條褲繼續鬧，叫瑞犬高官「跳海啦呢班廢物」，頂癮過投票柒倍！