英甲次席球隊梳士貝利（圖）在周二的英甲作客下游分子諾咸頓只要勝出，就可以壓過布力般流浪登上榜首，球員戰意毋庸置疑，加上諾咸頓今役又未能「夫添」，「讓球」梳士貝利讓平/半，捧上盤。
梳士貝利現以36戰得74分在英甲排次席，落後榜首的布力般流浪兩分但少踢一場，只要在周二的聯賽擊敗主場的諾咸頓，就可以成為一哥，球員必拼。梳士貝利近七場共獲五勝一和一負之餘，三線球員都識入波，今役就算作客，亦料可取得入球。
由荷蘭名宿哈索賓基領軍的諾咸頓目前以37戰得39分排尾四，要全力搶分護級，不過，球隊近況實在麻麻，近八場僅一勝之餘，今役亦未能「夫添」，除了有中場馬特曲斯要繼續坐波監外，兩名後衞艾朗皮爾及艾朗菲臘斯都繼續因傷缺陣。有一點值得留意是諾咸頓今季遇上強隊都會遇強變弱，今季在聯賽與目前排前三名的球隊交手，只錄得一和五負，就算今役受讓也難以高估，還是捧梳士貝利上盤穩陣。
文：吾中