中國內地不時出現撞車黨，香港亦出現類似碰瓷事件。有網民近日喺fb群組「香港交通突發報料區」上載車cam片段，顯示喺3月18日凌晨1點幾，當車輛行經葵涌石籬和宜合道時，一名手持一袋物品嘅男子突然飛撲到車頭朝擋風玻璃一撼，繼而高舉雙手，點知駕駛者好霸氣咁落車，不甘示弱咁同呢一個男子理論，最終呢名男子手抱後腦敗走。
網民︰裝cam最實際
短片可見，呢名疑似撞車黨男子飛撲向車頭後嘅肢體動作好奇怪，上載片段人士就喺帖文指，「大家返葵涌石梨（籬）要小心，開始有呃錢黨」，又留言指，「好在收（油）得到，唔係就大鑊！對司機冇保障」、「po出嚟等大家知道又有呢d事出現！叫大家小心的。段片只係一小段，最後係有阿sir捉咗佢！」
有人留言話，事發地點約為和宜合道寶星中心對開，唔少網民就話乜都係假，裝車cam最實際，當然唔少人懷疑呢啲橋段可能係內地引入喎。
識睇 睇留言
Vivi Chen：香港交通咁繁忙，咁多車，總會有次弄假成真撞瓜呢啲蛋散，佢就話死不足惜，司機就多得佢唔少！
Lee Wai Hang：成功引入專才
David Au：應該告佢危害道路駕駛者，唔知有冇呢條罪
Ec Chan：最緊要裝車cam
Lau Tosrr：呢D演技霞姨都唔會畀飯盒佢
資料來源：《蘋果》網頁