亞冠盃哀兵川崎前鋒，周日返回日職戰場作客出戰升班馬名古屋鯨魚。兩軍開季均保聯賽不敗，前鋒雖可強陣，但前鋒小林悠腳風不及上季，球隊體力亦輸蝕；以鯨魚防守力佳，有力抵禦前鋒進攻，受讓半/一，必博下盤。（球賽編號：星期日13；有線61台今日6:00pm直播）
前鋒上周中作客墨爾本勝利，補時階段失守下，以0:1見負，亞冠盃四場分組賽只得一分，出線機會渺茫，而且大島僚太、谷口彰悟等主力均踢足，可謂身心俱疲。雖然前鋒聯賽開季三戰取兩勝一和，包括大破磐田山葉，但只因對手實力平平，不足為據，以前鋒小林悠開季只得一個入球，不似上季有23個入球，今仗難領軍擊敗鯨魚。
鯨魚上季取得日乙季軍，經過附加賽重返日職。鯨魚雖屬升班馬，開季同樣取兩勝一和，上周中雖然同樣要出戰日聯盃，收起大批主力明顯留力。鯨魚仍有中場瑇山幹太缺陣，不過由澳洲門將蘭格歷克及巴西後衞韋利安洛查領導的防線，已連續兩仗聯賽保清白身，今仗面對疲兵的前鋒，可保不敗。
同日早場浦和紅鑽主場對橫濱水手（球賽編號：星期日8；有線61台今日3:00pm直播），兩軍開季平平，聯賽未嘗勝，攻力亦差，取入球「細」。
文：牽牛