蘇保羅馬房上仗跑得接近的「香江世億」，這天宣佈退出周日(18日)沙田第五場賽事，損失一個爭勝機會，但相信練馬師心情未會受太太影響，皆因蘇保羅同時有一件開心事，就是其弟弟蘇利雲來了香港探望他。
前騎師現為練馬師的蘇利雲，今朝陪同胞兄一齊在沙田馬場晨課睇馬督操，期間蘇利雲遇着好友方嘉柏、潘頓，當然趁敍舊一番傾個不停。
最可惜是周日蘇保羅冇馬跑打吡，蘇利雲有得睇打吡卻冇得在此場為哥哥打氣。不過今期蘇保羅的戰馬實力仍不弱，兩兄弟仍有機會一齊拉頭馬。
如第二場四班1400米的四歲馬「環翠戰士」，至今出賽四次得一冠兩第五，仍有不少進步空間，今次排1檔當然是牌面馬。還有第四場三班草地2000米的「怪獸剋星」，上仗71倍在二班遇上打吡正選馬「佳騰駒」亦所負不遠，今次降入三班有利，是蘇保羅的頭馬希望。